Kreu i Asociacionit të Komunave të Kosovës (AKK), Sazan Ibrahimi, i kërkoi Qeverisë të zbatojë rekomandimet e raportit të Komisionit Evropian për Kosovën për vitin 2026, me fokus financimin dhe autonominë komunale.
Ibrahimi tha se raporti përforcon shqetësimet e AKK-së për financimin, pronën publike dhe kompetencat komunale. Sipas tij, ridrejtimi i mjeteve për investime kapitale drejt shpenzimeve rrjedhëse në arsim dhe shëndetësi dëmton projektet lokale.
«Ridrejtimi i mjeteve kapitale për shpenzime rrjedhëse në arsim dhe shëndetësi dëmton projektet lokale dhe cenon autonominë financiare», tha Ibrahimi.
“Ridrejtimi i mjeteve kapitale për shpenzime rrjedhëse në arsim dhe shëndetësi dëmton projektet lokale dhe cenon autonominë financiare”
Ai tha se AKK-ja kërkon që Qeveria të mbulojë detyrimet nga kontratat kolektive dhe të krijojë grantin e katërt për investime kapitale. Sipas tij, raporti rekomandon edhe grant specifik për shërbime sociale.
Ibrahimi ngriti shqetësime edhe për centralizimin e menaxhimit të pronës publike dhe koordinimin kryesisht reaktiv mes nivelit qendror dhe atij lokal.
