Komisioni Evropian vlerëson se koordinimi i dobët mes nivelit qendror dhe atij lokal po pengon funksionimin e komunave në Kosovë, veçanërisht të katër komunave në veri.
Në raportin për Kosovën të vitit 2026, Komisioni thotë se komunat kanë varësi financiare dhe autonomi të kufizuar në menaxhimin e mjeteve dhe pronës. Bashkëpunimi mes dy niveleve, sipas tij, mbetet kryesisht reaktiv.
«Koordinimi ndërmjet nivelit qendror dhe atij lokal mbetet kryesisht reaktiv, gjë që ndikon në zbatimin e kompetencave të deleguara dhe planifikimin e zhvillimit lokal», thuhet në vlerësimin e Komisionit.
“Koordinimi ndërmjet nivelit qendror dhe atij lokal mbetet kryesisht reaktiv, gjë që ndikon në zbatimin e kompetencave të deleguara dhe planifikimin e zhvillimit lokal.”
Komisioni e vlerëson pozitivisht kthimin e kryetarëve serbë në katër komunat veriore, por thotë se drejtuesit e tyre hasin pengesa në ushtrimin e kompetencave. Mes tyre përmenden mungesa e qasjes në arkiva, përbërja e papërshtatshme etnike e punonjësve dhe mosnjohja e gjuhës së komunitetit shumicë.
