Inspektimet në Qendrat për Punë Sociale në Pejë dhe Gjilan nuk kanë përfunduar, ndërsa vendimi për masat disiplinore u takon komunave, tha ministri i Punës dhe Familjes Andin Hoti.
Në Pejë, inspektorët kanë marrë dosjen e rastit të Arlinda Zekajt dhe kanë intervistuar zyrtarët e QPS-së. Hoti tha se raporti pritet të përfundojë brenda disa ditësh dhe se ka gjetje fillestare, të cilat nuk do t’i bëjë publike para përfundimit të tij.
«raporti ende nuk ka përfunduar nuk e kemi raportin përfundimtar», tha Hoti. Inspektimi në Gjilan lidhet me një rast ku vdiqën dy persona, përfshirë një foshnjë.
“raporti ende nuk ka përfunduar nuk e kemi raportin përfundimtar”
Raportet përfundimtare i dërgohen kryetarit të komunës përkatëse. Hoti tha se autoritetet komunale kanë obligim ligjor të veprojnë ndaj rekomandimeve për masa disiplinore.
