Kryeministri Albin Kurti udhëtoi të shtunën, më 7 nëntor, drejt Francës, ku do të marrë pjesë në Forumin e Paqes në Paris dhe në një darkë shtetërore të shtruar nga presidenti francez Emmanuel Macron, njoftoi Zyra e Kryeministrit.
Sipas zyrës, Kurti do të zhvillojë takime dypalëshe me liderë, zyrtarë të lartë dhe përfaqësues të shteteve e institucioneve.
Në agjendën e tij parashihen edhe takime me personalitete nga arsimi, akademia, arti dhe kultura.
“Kryeministri i Republikës së Kosovës, Albin Kurti, sot udhëtoi drejt Republikës së Francës, ku do të marrë pjesë në Forumin e Paqes në Paris dhe në darkën shtetërore të shtruar nga Presidenti Emmanuel Macron.”
