Pesë dëshmorë të UÇK-së u përkujtuan në udhëkryqin e fshatit Opterushë të Rahovecit, në 28-vjetorin e rënies së tyre.
Të përkujtuarit ishin Xhelal Hajda – “Toni”, Selajdin Mullabazi – “Mici”, Hamdi Hajrizi, Bektesh Haliti dhe Nezir Ymeri. Në aktivitet morën pjesë familjarë, veteranë të luftës, përfaqësues institucionesh dhe mysafirë.
Kryetari i Komunës së Rahovecit, Smajl Latifi, kujtoi përballjen e luftëtarëve me forcat e motorizuara serbe. «Gjatë rrugëtimit të lirisë, pikërisht këtu, u ndeshën me forcat e motorizuara serbe. Përballja ishte e pabarabartë, e në fushën e nderit ranë shokët tanë më të shquar, duke lënë pas nder, lavdi e krenari», tha Latifi.
“Gjatë rrugëtimit të lirisë, pikërisht këtu, u ndeshën me forcat e motorizuara serbe. Përballja ishte e pabarabartë, e në fushën e nderit ranë shokët tanë më të shquar, duke lënë pas nder, lavdi e krenari”
Bashkëluftëtari Gëzim Saraqi – Vushtrria foli për ruajtjen e së vërtetës dhe dinjitetit të luftëtarëve. «Amanetin e dëshmorëve e jetësojmë vetëm atëherë kur ne e mbrojmë të vërtetën, e ruajmë dinjitetin e luftëtarëve, si dhe nuk lejojmë përpjekjet për ta shtrembëruar historinë tonë», tha Saraqi.
Përfaqësuesi i familjarëve, Ermal Mullabazi, tha se shpreson që Hashim Thaçi, Kadri Veseli, Rexhep Selimi dhe Jakup Krasniqi të kthehen së shpejti në Kosovë. Në përvjetor u prezantua për herë të parë një këngë për dëshmorët, e kënduar nga Vullnet Zhuniqi.
