Dy persona të dyshuar morën një sasi të madhe ari nga një vend pune në Gjakovë më 5 nëntor, sipas raportit të Policisë së Kosovës.
Rasti ndodhi rreth orës 17:14. Në vendin e punës ishin një burrë dhe një grua, të dy shtetas të Kosovës. Njëri nga të dyshuarit kishte armë të gjatë, ndërsa tjetri çekan. Ata thyen dollapët dhe morën arin.
Të dyshuarit u larguan në këmbë në drejtim të panjohur. Policia nuk ka bërë të ditur sasinë ose vlerën e arit dhe tha se rasti po hetohet.
“Dy viktimat një mashkull dhe një femër kosovare kanë raportuar se derisa kanë qenë në vendin e punës, kanë hyrë dy persona të dyshuar dhe të armatosur njëri me armë të gjatë e tjetri me një çekan dhe pasi kanë thyer dollapët kanë marrë një sasi të madhe ari.”
