Bashkimi Evropian vazhdon ta mbështesë Kosovën në kontrollin e armëve të vogla dhe të lehta, njoftoi Zyra e BE-së në Prishtinë.
Në takimin e 16-të të koordinimit për Udhërrëfyesin SALW në Prishtinë, institucionet e Kosovës, BE-ja dhe partnerët ndërkombëtarë shqyrtuan përparimin dhe hapat e ardhshëm. Diskutimet përfshinë kontrollin e armëve të zjarrit, bashkëpunimin rajonal dhe parandalimin e dhunës me armë.
Pjesëmarrësit trajtuan edhe parandalimin e dhunës në familje me armë zjarri dhe përfshirjen e perspektivës gjinore në kontrollin e armëve. «BE-ja mbetet e përkushtuar për ndërtimin e komuniteteve më të sigurta në Kosovë dhe në mbarë Ballkanin Perëndimor», njoftoi Zyra e BE-së.
“Si partneri më i fuqishëm dhe më i besueshëm i Kosovës dhe ofruesi më i madh i ndihmës financiare […] BE-ja mbetet e përkushtuar për ndërtimin e komuniteteve më të sigurta në Kosovë dhe në mbarë Ballkanin Perëndimor”
