Policia e Kosovës e anuloi procedurën për blerjen e pesë autobusëve, ndonëse “Ideal Shala B.I.” ishte shpallur fituese me ofertë prej 1.188.850 eurosh.
Tenderi me vlerë të parashikuar prej 1,2 milionë eurosh u publikua më 21 shtator 2023. Në garë morën pjesë katër kompani, por tri u eliminuan gjatë vlerësimit. Kontrata nuk u nënshkrua.
Procedura u pezullua më 5 tetor 2023 dhe dosja u korrigjua të nesërmen. Më 11 dhjetor, “Prishtina Auto LLC” paraqiti ankesë në Organin Shqyrtues të Prokurimit. Në gusht 2024, “Ideal Shala B.I.” u shpall fituese. Njoftimi përfundimtar u publikua në platformën e e-Prokurimit më 26 nëntor 2025.
Burime anonime pretendojnë gjithashtu se Inspektorati Policor i Kosovës po heton Fejzën për dyshime për keqpërdorim të pozitës zyrtare dhe konflikt interesi, dhe se tenderi është pjesë e hetimit. Qëndrimet e Fejzës, Policisë, IPK-së dhe kompanisë nuk janë bërë të ditura.
