Ushtruesja e detyrës së kryetares së PDK-së, Vlora Çitaku, u takua më 5 nëntor me ambasadorin britanik në Kosovë, Jonathan Hargreaves, dhe diskutoi zhvillimet politike, procesin në Hagë dhe integrimin euroatlantik, sipas komunikatës së partisë.
Çitaku vlerësoi pozitivisht përmbylljen e formimit të institucioneve dhe tha se vëmendja duhet të përqendrohet te sfidat e qytetarëve dhe prioritetet shtetërore.
«Kosova përballet me sfida të rëndësishme që kërkojnë vëmendje të plotë institucionale, përgjegjësi dhe angazhim për të përmirësuar jetën e qytetarëve», tha Çitaku.
“Kosova përballet me sfida të rëndësishme që kërkojnë vëmendje të plotë institucionale, përgjegjësi dhe angazhim për të përmirësuar jetën e qytetarëve”
Për procesin në Dhomat e Specializuara në Hagë, ajo kërkoi respektimin e së drejtës për gjykim të drejtë dhe vendimmarrje të bazuar në fakte e prova, pa ndikime politike.
Sipas komunikatës, në takim u riafirmua edhe rëndësia e partneritetit me aleatët dhe e perspektivës euroatlantike, përfshirë synimin për anëtarësim në NATO dhe Bashkimin Evropian.
