Gjykata në Beograd caktoi të premten, 6 nëntor, paraburgim deri në 30 ditë për nëntë punonjës aktualë dhe ish-punonjës të Ministrisë së Brendshme të Serbisë, përfshirë komandantin e Njësisë Speciale Kundër Terrorizmit, Igor Zmiric.
Gjykata e arsyetoi masën me rrezikun që të dyshuarit të ndikojnë te dëshmitarët ose të pengojnë procedurën, si dhe me seriozitetin e veprës së dyshuar.
Sipas prokurorisë, të dyshuarit përdorën forcë dhe kërcënime ndaj studentëve dhe personave të tjerë në garazhin e kompleksit qeveritar, nga mbrëmja e 14 gushtit deri pas mesnatës së 15 gushtit 2025. Ministria e Brendshme e Serbisë tha se ata synonin të merrnin informacione, t’i frikësonin dhe t’i ndëshkonin në mënyrë të paligjshme.
“Përmes përdorimit të forcës dhe kërcënimeve, ata u shkaktuan dhimbje të mëdha dhe vuajtje të rënda një numri të konsiderueshëm personash”
Fajësia e të dyshuarve nuk është përcaktuar; akuzat për keqtrajtim dhe torturim janë pjesë e procedurës.
