Gjykata e Prizrenit la në fuqi paraburgimin e Enis Pulës, pasi refuzoi kërkesën që masa të zëvendësohej me arrest shtëpiak, gjatë shqyrtimit fillestar të rigjykimit më 5 nëntor.
Avokati Blerim Mazreku tha se klienti kishte kaluar rreth 11 muaj në paraburgim dhe se rrethanat kishin ndryshuar. Prokurori Atnor Skoro e kundërshtoi kërkesën, duke përmendur rrezikun e ikjes dhe mundësinë e përsëritjes së veprave penale.
Në seancë, Pula nuk u deklarua për fajësinë. Sipas Prokurorisë, ai akuzohet për grabitje të mbetur në tentativë, grabitje dhe armëmbajtje pa leje.
Sipas aktakuzës, më 24 dhjetor 2025, Pula dyshohet se kërkoi 100 euro nga një punonjëse e barnatores “Dr. Vjosa Pharm” në Prizren, duke e kërcënuar me thikë. Ai u largua pa marrë paratë. Fajësia e Pulës nuk është përcaktuar nga gjykata.
