Gjatë një interviste në Spitalin e Përgjithshëm të Gjilanit më 5 nëntor, një familjar tha se bleu materiale për trajtimin e të afërmit.
Ai tha se iu ishte thënë se spitali nuk kishte penj kirurgjikë dhe se bleu 3–4 copa, duke paguar pak më shumë se 2 euro. «S'kishin pas, tha shko blej, nuk ishin shtrenjtë, 2 Euro e diçka. 3-4 copa i bleva», tha familjari.
Për të afërmin që kishte pësuar thyerje, ai bleu edhe një protezë ortopedike, e cila i kushtoi 1.100 euro.
“S'kishin pas, tha shko blej, nuk ishin shtrenjtë, 2 Euro e diçka. 3-4 copa i bleva”
QKUK/ShSKUK njoftoi më 28 tetor për pranimin e kontingjentit të parë të protezave. Ato ende nuk ishin shpërndarë në spitalet regjionale dhe operacionet e paralajmëruara nuk kishin nisur.
Kontrata për furnizimin me proteza dhe materiale të Listës Esenciale ishte nënshkruar rreth katër muaj më parë dhe ka vlerë gati 8 milionë euro. Mungesa e penjve dhe blerjet e përshkruara nga familjari nuk janë konfirmuar nga institucionet.
