Drejtori i Institutit të Kosovës për Drejtësi, Ehat Miftaraj, tha se Kuvendi duhet t’i rishqyrtojë ndryshimet e kthyera në Ligjin për Gjykatën Speciale dhe t’i miratojë me së paku 61 vota.
«Kthimi i ligjit nga Presidentja nuk e rrëzon automatikisht ligjin dhe as nuk e kthen procedurën në pikën zero», tha Miftaraj. «Për ta përmbysur veton e Presidentes duhen së paku 61 vota.»
Sipas procedurës që përshkroi ai, Kryetari i Kuvendit ia dërgon ligjin komisionit përgjegjës-raportues dhe deputetëve. Komisioni ka deri në katër javë për ta përgatitur raportin. Nëse sigurohen 61 votat, ligji konsiderohet i shpallur; nëse jo, konsiderohet se nuk ka ligj.
“Kthimi i ligjit nga Presidentja nuk e rrëzon automatikisht ligjin dhe as nuk e kthen procedurën në pikën zero.”
