Në ceremoninë e gjeneratës së 63-të të Policisë së Kosovës, më 6 nëntor u diplomuan 397 kadetë.
Mes tyre ishin 118 gra dhe 279 burra.
Kryeministri Albin Kurti u kërkoi kadetëve që integriteti dhe profesionalizmi të jenë përparësi në shërbimin policor. «Qeverinë tonë do ta keni përherë përkrah», tha Kurti.
“Shërbimi me integritet dhe profesionalizëm duhet të mbetet përherë prioritet.”
Ai tha se buxheti i Policisë është rritur për mbi 50 për qind në pesë vitet e fundit. Sipas tij, gjatë kësaj periudhe janë ngritur dhe forcuar 20 stacione, objekte dhe baza policore në veri të vendit.
