Në një tryezë diskutimi, deputeti i AAK-së Burim Ramadani tha se mosndëshkimi për moszbatimin e vendimeve të Gjykatës Kushtetuese është normalizuar në Kosovë.
«Diskutimi politik mbi atë se çka ka thënë Gjykata Kushtetuese ka më shumë vlerë sesa vetë vendimi», tha Ramadani, duke argumentuar se debati politik po merr më shumë rëndësi se zbatimi i vendimeve.
Ramadani kritikoi edhe mungesën e qëndrimeve publike të Qeverisë. «Mungesa e qëndrimeve publike të Qeverisë, për mua është sinjal negativ», tha ai.
“Diskutimi politik mbi atë se çka ka thënë Gjykata Kushtetuese ka më shumë vlerë sesa vetë vendimi”
Tryeza u organizua nga Instituti i Kosovës për Drejtësi (IKD) për nismën legjislative qytetare dhe publikimin e analizës «Moszbatimi i vendimeve të Gjykatës Kushtetuese». Përfaqësues të Lëvizjes Vetëvendosje nuk morën pjesë.
