Nëna e të burgosurit Endrit Gashi, Zijabera Gashi nga Peja, pretendon se tre të burgosur e sulmuan të birin në dhomën e tij në Dubravë më 6 nëntor.
Zëdhënësi i Policisë për rajonin e Pejës, Sheremet Elezaj, konfirmoi se rreth orës 17:20 katër të burgosur u përfshinë në një përleshje fizike në Qendrën Korrektuese. Personeli i qendrës ndërhyri dhe situata u vu nën kontroll; në vendngjarje dolën edhe njësitë policore.
«Djalin e kanë sulmu tre veta në dhomën e tij, e kanë sulmu me një shishe me ujë dhe e kanë djegë me shkrebze», tha Gashi. Policia nuk e ka identifikuar Gashin si personin e sulmuar dhe nuk ka konfirmuar pretendimin për shishen e ujin dhe shkrepëset.
“Djalin e kanë sulmu tre veta në dhomën e tij, e kanë sulmu me një shishe me ujë dhe e kanë djegë me shkrebze”
Pas konsultimit me Prokurorin e Shtetit, u iniciua rast për lëndim të lehtë trupor; hetimet po vazhdojnë. Gashi tha se ka kërkuar transferimin e të birit në një burg tjetër dhe se në Policinë e Pejës i kanë thënë të kthehet të hënën, më 9 nëntor, për ta paraqitur kërkesën.
