Naim Jakaj paraqet analizë për moszbatimin e vendimeve Kushtetuese

Rastet kur institucionet nuk zbatojnë ose vonojnë vendimet e Gjykatës Kushtetuese u trajtuan në një analizë të paraqitur të premten nga hulumtuesi i lartë i IKD-së, Naim Jakaj.

Jakaj tha se neni 116 i Kushtetutës i përcakton vendimet e Gjykatës Kushtetuese si përfundimtare dhe të detyrueshme, por se ka pasur raste kur ato nuk janë zbatuar. Ai përmendi rastin e 572 punëtorëve të Fabrikës së Çelikut në Ferizaj, atë të Fadil Hoxhës dhe 59 qytetarëve të Prizrenit, si dhe çështje që lidhen me Kuvendin e Kosovës.

Sipas Jakajt, vendimi për punëtorët e fabrikës u mor më 2010, por nuk u zbatua; më pas Gjykata Kushtetuese nxori vendim për mospërmbarim dhe njoftoi Prokurorinë e Shtetit. «Gjykata Kushtetuese mori vendim në vitin 2010, por ai nuk u zbatua», tha ai.

Moszbatimi, tha Jakaj, cenon autoritetin e Gjykatës, të drejtat e qytetarëve dhe besimin e tyre në institucionet shtetërore. «Çfarë vlere ka një vendim në favor të një qytetari, nëse ai duhet të presë edhe dhjetë vjet për ta realizuar të drejtën e tij?»

“Çfarë vlere ka një vendim në favor të një qytetari, nëse ai duhet të presë edhe dhjetë vjet për ta realizuar të drejtën e tij?”, tha Naim Jakaj, hulumtues i lartë në IKD.