Krijimi i një njësie në Ministrinë e Punëve të Brendshme për parandalimin e femicidit ishte një nga kërkesat që aktivistja e Kolektivit për Mendim dhe Veprim Feminist, Liridona Sijarina, paraqiti të hënën në “Përballje Podcast”.
Ajo propozoi që njësia të punojë në koordinim me Ministrinë e Drejtësisë. Sijarina tha se njësia duhet të merret posaçërisht me parandalimin e femicidit.
Sijarina kërkoi edhe veting, financim të shërbimeve sociale, fuqizim ekonomik të grave dhe banim social për të mbijetuarat e dhunës. «Kjo për ne paraqet element të sigurisë kombëtare dhe duhet të trajtohet si e tillë», tha ajo.
“Ne kemi thënë që duhet të ketë një njësi në kuadër të Ministrisë së Punëve të Brendshme, në koordinim me Ministrinë e Drejtësisë, e cila specifikisht merret me parandalimin e femicidit”
