Kryetari i ZNAM-it, Maksim Dimitrievski, tha se partia është e gatshme të largohet nga koalicioni qeverisës nëse Qeveria lejon mbajtjen e provimit të jurisprudencës në shqip.
Aleanca për Shqiptarët kritikoi këtë qëndrim dhe pretendoi se Dimitrievski po e përdor çështjen për qëllime elektorale, duke pritur zgjedhje të parakohshme parlamentare.
Ministri i Drejtësisë i Maqedonisë së Veriut, Jeton Shasivari, propozoi që 12 provime të mbahen në shqip dhe dy në maqedonisht. «Parashikojmë të kërkojmë edhe një mendim brenda një afati të shkurtër nga Komisioni i Venecias, si organi më prestigjioz këshillëdhënës evropian për çështje kushtetuese dhe juridike», tha Shasivari.
“Parashikojmë të kërkojmë edhe një mendim brenda një afati të shkurtër nga Komisioni i Venecias, si organi më prestigjioz këshillëdhënës evropian për çështje kushtetuese dhe juridike”
Profesori universitar Bashkim Selmani propozoi që fakultetet juridike të krijojnë një trup pedagogësh për organizimin e provimit në shqip. «Do të ishte ideja pozitive dhe zgjidhëse për momentin që fakultetet e drejtësisë ta japin provimin e jurisprudencës në gjuhën shqipe», tha Selmani.
Nuk është konfirmuar nëse ZNAM do të largohet nga koalicioni apo nëse Qeveria ka vendosur për gjuhën e provimit. Po ashtu, nuk është konfirmuar nëse është kërkuar mendimi i Komisionit të Venecias.
