Paqëndrueshmëria e zgjatur politike dhe bllokada paszgjedhore penguan përparimin e Kosovës drejt integrimit në BE, sipas raportit të Bashkimit Evropian për vitin 2026.
Qeveria emëroi një kryenegociator dhe koordinator kombëtar për Instrumentin për Reforma dhe Rritje (RGF), si dhe themeloi një Komision Ekzekutiv për koordinimin e procesit të anëtarësimit. Raporti thotë se u ratifikuan edhe disa marrëveshje që lidhen me RGF-në.
Progresi në reformat e lidhura me BE-në ishte i pabarabartë për shkak të paqëndrueshmërisë politike, joefikasitetit të Kuvendit dhe bllokadës paszgjedhore. «Efektiviteti i strukturave të reja për integrimin në BE ende duhet të dëshmohet», thuhet në raport.
“efektiviteti i strukturave të reja për integrimin në BE ende duhet të dëshmohet”
Raporti vlerëson se situata politike u përmirësua pas formimit të qeverisë. Para zgjedhjeve, Komisioni Parlamentar për Integrim Evropian pati vështirësi në përmbushjen e rolit të tij, ndërsa vonesat procedurale dhe kapacitetet e kufizuara administrative dobësuan koordinimin e reformave.
Organet e Marrëveshjes së Stabilizim-Asociimit vazhduan takimet gjatë periudhës së raportimit, pas heqjes së masave të BE-së.
