Raporti i Komisionit Evropian për Kosovën për vitin 2026 vlerëson se vendi nuk ka përparuar në funksionimin e gjyqësorit, ndonëse në fushën e drejtësisë dhe të drejtave themelore ka shënuar përparim të kufizuar në disa aspekte.
Komisioni thotë se ndikimi i papërshtatshëm i faktorëve të brendshëm dhe të jashtëm, përfshirë interesat politike dhe ekonomike, pengon pavarësinë dhe paanshmërinë e gjyqësorit. «Në disa aspekte, ky ndikim madje është intensifikuar», thuhet në raport.
Paketa e projektligjeve për sistemin e drejtësisë ende nuk është miratuar. Sipas raportit, kjo pengon reformat dhe përpjekjet për të rritur llogaridhënien e efikasitetin në sistemin gjyqësor dhe prokurorial.
“Në përgjithësi nuk ka shënuar përparim në funksionimin e sistemit gjyqësor”
Komisioni shpreh shqetësime edhe për ndryshimet e propozuara në Ligjin për Dhomat e Specializuara dhe Zyrën e Prokurorit të Specializuar.
