Drejtuesi i një automjeti u arrestua në Prizren më 9 nëntor, rreth orës 11:00, pasi ndaj tij ishte lëshuar urdhërarrest aktiv nga Gjykata Themelore në Prishtinë, njoftoi Policia e Kosovës.
Sipas Policisë, personi ishte dënuar me vendim të formës së prerë me pesë vjet burgim efektiv për vepra penale që lidhen me narkotikët. Në automjet ndodheshin gjithsej tre persona.
Policia tha se gjatë kontrollit iu gjetën dhe iu sekuestruan një personi rreth shtatë gramë substancë e dyshuar si kokainë. I dyshuari për posedimin e saj dhe provat materiale iu dorëzuan Njësisë për Hetimin e Trafikimit me Narkotikë në Prizren; personi i tretë u lirua pas verifikimeve.
“Gjatë kontrollit, tek njëri prej tyre është gjetur dhe është sekuestruar një substancë e dyshuar narkotike e llojit kokainë, me peshë rreth 7 gramë.”
Policia njoftoi se në Drejtorinë Rajonale në Prizren është formuar një grup i veçantë operacional për zbatimin e urdhërarresteve aktive.
