Kryeministri Albin Kurti tha në hapjen e edicionit të 13-të të DOKU.TECH, më 5 nëntor, se Kosova ka mbi 2.500 kompani të teknologjisë së informacionit dhe komunikimit.
«Sektori ynë i teknologjisë së informacionit dhe komunikimit është ndër sektorët më dinamik të ekonomisë», tha Kurti.
Ai tha se eksporti i shërbimeve në këtë sektor është rritur më shumë se pesëfish brenda katër vjetësh dhe se sektori përbën 6 për qind të bruto produktit vendor. Kurti përmendi edhe mbi 330 shërbime digjitale në e-Kosova dhe platformën kombëtare për identifikim e nënshkrim elektronik dhe kuletë digjitale.
“Kemi mbi 2,500 biznese të tilla që ofrojnë shërbime për tregun vendor dhe ndërkombëtar”
Shifrat për kompanitë, eksportin dhe kontributin në bruto produktin vendor që përmendi Kurti nuk janë verifikuar në mënyrë të pavarur.
