Zëvendëskryeministri i parë dhe ministri i Punëve të Jashtme dhe Diasporës, Glauk Konjufca, tha se u takua me këshilltarin federal zviceran për Punë të Jashtme, Ignazio Cassis, për të diskutuar bashkëpunimin mes dy vendeve.
Sipas Konjufcës, në takim u shqyrtua programi zviceran i bashkëpunimit për vitet 2026–2029, si dhe mundësitë për ta zgjeruar bashkëpunimin në zhvillim, dialog politik, tregti, investime, arsim dhe inovacion.
«Zvicra ka qenë qysh prej fillimit një partnere e palëkundur e Kosovës», tha Konjufca, duke iu referuar mbështetjes zvicerane që nga njohja e pavarësisë së Kosovës më 27 shkurt 2008.
“Zvicra qëndron pranë gjykatave ndërkombëtare dhe Zvicra pranon vendimet e gjykatave ndërkombëtare, të gjykatave të ndryshme që janë të legjitimuara për të marrë këto vendime, dhe nuk i komenton ato, sepse ato janë vendime gjyqësore dhe jo një diskutim politik”
Ai tha se marrëveshja e tregtisë së lirë mes Kosovës dhe vendeve të EFTA-s mund t’u hapë bizneseve mundësi të reja dhe të shtojë bashkëpunimin ekonomik. Konjufca falënderoi Zvicrën për mbështetjen ndaj rrugës evropiane të Kosovës dhe për mikpritjen e diasporës kosovare.
