Policia e Kosovës ka përfaqësim të pamjaftueshëm të serbëve në pozitat e larta dhe komanduese në veri, sipas raportit të Komisionit Evropian për vitin 2026.
Raporti u publikua më 4 nëntor. Në vitin 2025, Akademinë e Policisë së Kosovës e përfunduan 742 kadetë nga dy gjenerata, përfshirë 90 serbë.
«Përfaqësimi i serbëve në Policinë e Kosovës, veçanërisht në pozitat e larta dhe komanduese në veri, mbetet i pamjaftueshëm», vlerëson Komisioni Evropian. Raporti thotë se kuadri aktual nuk mundëson kthimin e policëve serbë me përvojë që dhanë dorëheqje më 2022.
“Përfaqësimi i serbëve në Policinë e Kosovës, veçanërisht në pozitat e larta dhe komanduese në veri, mbetet i pamjaftueshëm.”
Komisioni kërkon emërimin e një komandanti rajonal për veriun dhe të komandantëve në stacionet policore të katër komunave veriore, në koordinim me kryetarët e komunave.
Raporti vlerëson pozitivisht zhvillimin e kapaciteteve policore dhe punësimin e pjesëtarëve të komuniteteve joshumicë. Sipas tij, gjatë vitit të kaluar Inspektorati Policor hetoi 232 policë dhe arrestoi 47.
