Komisioni Evropian thotë në raportin e progresit për Kosovën se në veri u rrënuan prona private pa respektimin e duhur të procedurave ligjore, ndërsa kontestimet gjyqësore ishin ende në shqyrtim.
Disa objekte u rrënuan pasi ishte thënë se ishin ndërtuar pa leje. Raporti thotë se zbatimi i masave të pakthyeshme në pritje të shqyrtimit gjyqësor ngre «shqetësime lidhur me qasjen në mjete juridike efektive».
Komisioni vlerëson se korniza ligjore dhe institucionale për të drejtat e njeriut është kryesisht e konsoliduar, por zbatimi i saj duhet të jetë më i fuqishëm. Raporti thotë se përpjekjet për harmonizimin e legjislacionit me standardet ndërkombëtare janë të mirëseardhura, por «kërkojnë më shumë dinamikë».
“shqetësime lidhur me qasjen në mjete juridike efektive”
Rekomandimet e vitit të kaluar janë zbatuar pjesërisht dhe mbeten kryesisht të vlefshme. Pas konstituimit të institucioneve pas zgjedhjeve të vitit 2026, Kuvendi duhet të nisë proces transparent për përzgjedhjen e Avokatit të Popullit dhe zëvendësve të tij.
