Takimi i përbashkët i Kosovës, Serbisë dhe Bashkimit Evropian ende nuk ka datë. Përpjekjet për organizimin e tij duhet të presin formimin e qeverisë së re në Serbi, tha më 4 nëntor Kaja Kallas, Përfaqësuesja e Lartë e BE-së për Politikën e Jashtme dhe Sigurinë.
Kallas i bëri deklaratat gjatë prezantimit të Paketës së Zgjerimit 2026. Ajo tha se zgjedhjet në Serbi dhe mungesa e institucioneve funksionale në Kosovë kanë penguar mbajtjen e takimit.
«Kam marrë premtimin nga të dyja palët, nga liderët e tyre, që të ulemi së bashku, ne të tre», tha Kallas.
“Kam marrë premtimin nga të dyja palët, nga liderët e tyre, që të ulemi së bashku, ne të tre”
Sipas saj, përgatitjet për takimin kanë nisur dhe përfaqësuesi i posaçëm i BE-së për dialogun po punon për procesin. «Ju siguroj se jam e gatshme të angazhohem dhe do të angazhohem me ta», tha ajo.
