Përfaqësuesja e Lartë e BE-së për Politikën e Jashtme dhe të Sigurisë, Kaja Kallas, tha të mërkurën, më 4 nëntor, se Shqipëria ka përparuar në negociatat për anëtarësim në BE, bashkë me Malin e Zi, Moldavinë dhe Ukrainën.
«Shqipëria ka hapur të gjithë grupkapitujt e negociatave në pak më shumë se një vit. Detyra tani është të ruajë këtë ritëm duke përshpejtuar reformat», tha Kallas gjatë prezantimit të raportit vjetor të zgjerimit të BE-së.
Kallas tha se Komisioni Evropian po paraqet për herë të parë udhërrëfyes të posaçëm për negociatat me këto katër vende. Udhërrëfyesit përcaktojnë objektivat dhe hapat për vitin e ardhshëm.
“Shqipëria ka hapur të gjithë grupkapitujt e negociatave në pak më shumë se një vit. Detyra tani është të ruajë këtë ritëm duke përshpejtuar reformat”
Sipas vlerësimit të Komisionit Evropian, Shqipëria i ka përmbushur kriteret e ndërmjetme për shtetin e së drejtës, duke krijuar kushte për mbylljen paraprake të katër kapitujve.
Qeveria shqiptare synon t’i përfundojë negociatat deri në fund të vitit 2027. Komisioni Evropian e vlerëson këtë synim ambicioz, por të realizueshëm nëse vazhdon ritmi i reformave dhe forcohet dialogu politik.
