Republikani me origjinë shqiptare Joe Hoxha ka fituar mandatin e tretë në Dhomën e Përfaqësuesve të Connecticutit, sipas rezultateve jozyrtare.
Hoxha mori 4.585 vota, ose 50,91 për qind, ndërsa demokrati Nate Brown siguroi 4.421 vota, ose 49,09 për qind. Diferenca mes tyre ishte 164 vota.
Rezultatet përfundimtare nuk janë konfirmuar zyrtarisht.
“Në këtë zonë s’ka shumë shqiptarë, por ata që janë më mbështetën dhe nuk pyetën fare për pikëpamjet politike, më mbështetën vetëm për origjinën shqiptare”
Në një intervistë pas zgjedhjeve, Hoxha foli për ankthin gjatë numërimit dhe mbështetjen që mori nga komuniteti shqiptar. «Vjen me shumë ankth kjo punë», tha ai. Kur epërsia e tij u duk e sigurt, shtoi: «Më duket se kam fituar».
