Në seancën e 3 nëntorit, Gjykata e Prizrenit vendosi që tre ekspertë të dëgjohen për ekspertizën e automjetit “Golf III”.
Seanca ishte vazhdim i shqyrtimit gjyqësor ndaj Orhan Ademajt dhe Albert Ademajt, të akuzuar për vrasje të rëndë. Ekspertiza e grupit të Fakultetit të Inxhinierisë Mekanike të Universitetit të Prishtinës u lexua në gjykatë.
Avokati mbrojtës i Orhan Ademajt, Blerim Mazreku, kundërshtoi disa gjetje dhe pretendoi se ekspertët kishin tejkaluar detyrën e tyre, duke identifikuar persona në video-incizime pa sqaruar bazën. Ai kërkoi që ekspertët të japin sqarime. Kërkesën e mbështeti avokati Klodian Krasniqi.
Prokurori Atnor Skoro ia la Gjykatës vlerësimin e kërkesës, ndërsa avokati Sylë Hoxha e kundërshtoi. Trupi gjykues, i kryesuar nga gjykatësja Sadije Selmani, vendosi që të dëgjohen ekspertët Shpëtim Lajçi, Halil Demoli dhe Riad Ramadani.
