Të paktën 64 rrugë ilegale që lidhin veriun e Kosovës me vendbanime kufitare në Serbi janë ende të kalueshme, tha shefi i Policisë Kufitare Veton Elshani.
«Nuk mund të ndërtojmë një mur kinez në kufirin me Serbinë», tha Elshani. Ai tha se është e pamundur të mbyllen të gjitha rrugët, pasi vazhdimisht hapen të reja.
Rrugët përdoren kryesisht për kontrabandë, duke shmangur pikat zyrtare kufitare dhe doganën. Në aksionin kundër kontrabandës të 22 tetorit, në disa lokacione në veri, 10 persona u shoqëruan për intervistim dhe u sekuestruan mallra me vlerë mbi 200 mijë euro.
“Nuk mund të ndërtojmë një mur kinez në kufirin me Serbinë”
Aktakuza për sulmin në Banjskë, në shtator 2023, e lidh përdorimin e rrugëve alternative me futjen e armëve të përdorura në sulm. Pas sulmit, Policia e Kosovës deklaroi se kishte mbyllur më shumë se 20 rrugë të tilla.
Nuk janë paraqitur dokumente apo metodologji që shpjegojnë si është përcaktuar shifra prej 64 rrugësh.
