Platforma eKosova ka integruar identitetin elektronik, duke mundësuar hyrjen në llogari pa fjalëkalim dhe nënshkrimin elektronik të dokumenteve për regjistrimin e bizneseve të reja.
Përdoruesit mund të kyçen përmes eID-së, e integruar në Kuletën Digjitale të Kosovës. Gjatë aplikimit për regjistrimin e një biznesi, dokumentet mund të nënshkruhen pa procedura fizike.
«Ky është një nga përdorimet e para konkrete të nënshkrimit elektronik në platformën eKosova», thuhet në njoftimin e platformës.
“Përmes eID-së, të integruar në Kuletën Digjitale të Kosovës, përdoruesit mund të kyçen në llogaritë e tyre në eKosova pa pasur nevojë të përdorin fjalëkalimin.”
