Akademiku dhe ish-ministri Arsim Bajrami ka propozuar që institucionet e Kosovës të krijojnë komision ekspertësh për fazën e ankimimit të procesit ndaj ish-krerëve të UÇK-së në Hagë.
Sipas propozimit, komisioni do të përbëhej nga gjyqtarë e ish-gjyqtarë, prokurorë, avokatë penalistë, profesorë të së drejtës penale dhe ekspertë të së drejtës penale ndërkombëtare. Ai do të shqyrtonte aktgjykimin e shkallës së parë, vlerësimin e provave dhe shkeljet e mundshme materiale e procedurale.
«Beteja e ardhshme është ekskluzivisht juridike», tha Bajrami. Ai propozoi gjithashtu identifikimin e dëshmitarëve dhe provave shtesë që mund të pranohen në apel, si dhe angazhimin e ekspertëve ndërkombëtarë.
“Beteja e ardhshme është ekskluzivisht juridike”
Bajrami kërkoi që ekspertiza të përfundojë brenda nëntorit dhe puna të mos pengojë afatet e ankimimit. «Dokumenti i komisionit duhet të shërbejë si material plotësues për mbrojtjen dhe jo si kusht apo pengesë për dorëzimin me kohë të ankesave», tha ai.
Nuk ka konfirmim se institucionet e Kosovës kanë vendosur ta krijojnë komisionin.
