Trepça dhe Bashkimi zhvillojnë të mërkurën ndeshjet e radhës në FIBA Europe Cup, në Gjermani dhe Turqi.
Bashkimi përballet me Korfezin në Kocaeli nga ora 17:30, në Grupin F. Korfezi ka tri fitore e një humbje, ndërsa Bashkimi ka një fitore e dy humbje dhe renditet parafundit, me një ndeshje më pak.
Në Grupin A, Trepça luan me Gladiators Trier në Trier nga ora 20:00. Trieri kryeson grupin me 8 pikë, ndërsa Trepça është e dyta me 7 pikë, pas tri fitoreve dhe një humbjeje.
“Trepça nuk udhëton kurrë vetëm. Edhe kësaj radhe do ta kemi mbështetjen e bashkatdhetarëve tanë, të cilët na qëndrojnë pranë kudo që luajmë”
«Trepça nuk udhëton kurrë vetëm. Edhe kësaj radhe do ta kemi mbështetjen e bashkatdhetarëve tanë, të cilët na qëndrojnë pranë kudo që luajmë», shkroi klubi i basketbollit Trepça.
Ndeshja e Bashkimit me Manchesterin, e shtyrë për shkak të problemeve me pajisjen e vizave të Britanisë së Madhe, është caktuar të luhet më 2 dhjetor.
