Njësiti i Hetimeve në Gjilan po heton rrethanat e tentimit për përleshje mes tifozëve të Dritës dhe Prishtinës, gjatë së cilës u lënduan tre zyrtarë policorë.
Ngjarja ndodhi rreth orës 13:50 më 4 nëntor, jashtë stadiumit në Gjilan. Zëdhënësi i Policisë Rajonale të Gjilanit, Valon Osmani, tha se policët morën tretman mjekësor në Qendrën Emergjente dhe, sipas raportit mjekësor, pësuan lëndime të lehta.
«Gjatë ndërhyrjes janë lënduar tre zyrtarë policorë, të cilët kanë kërkuar tretman mjekësor në Qendrën Emergjente në Gjilan», tha Osmani. Hetimet po zhvillohen në koordinim me Prokurorin e Shtetit. Ndeshjen Drita–Prishtina e fitoi Prishtina, 2–1.
“Gjatë ndërhyrjes janë lënduar tre zyrtarë policorë, të cilët kanë kërkuar tretman mjekësor në Qendrën Emergjente në Gjilan.”
