Përfaqësuesit e “Trepçës” kërkuan më 3 nëntor nga Gjykata e Mitrovicës masë sigurie ndaj Komunës së Mitrovicës së Veriut, për të ndalur punimet në zonën ku po ndërtohet amfiteatri.
Përfaqësuesi i kompanisë, Kenan Alushi, kërkoi që komunës t’i ndalohet «të vazhdojë kryerjen apo lejojë kryerjen e çfarëdo punimi» në parcelën që “Trepça” pretendon se është pronë e saj.
Avokati i komunës, Arbër Shala, e kundërshtoi kërkesën dhe tha se çështja duhet të trajtohet nga Gjykata Komerciale, pasi ngriti pretendimin për mungesë të kompetencës lëndore të Gjykatës së Mitrovicës.
“t’i ndalohet Komunës së Mitrovicës që të vazhdojë kryerjen apo lejojë kryerjen e çfarëdo punimi”
Gjyqtari Fuad Haliti lejoi precizimin e kërkesës për masë sigurie. Ky vendim nuk ishte vendim përfundimtar për vetë kërkesën.
Eksperti i gjeodezisë Nehat Sahiti tha në seancë se plani i amfiteatrit shtrihet në tri parcela, dy prej të cilave janë në pronësi të “Trepçës”. Sipas tij, ndërtimi prek një nga parcelat e kompanisë në një sipërfaqe prej 11 metrash katrorë.
