Qeveria e Kosovës miratoi më 14 tetor krijimin e një grupi pune për të mbështetur përpjekjet në apel të katër ish-udhëheqësve të UÇK-së të dënuar nga Dhomat e Specializuara.
Grupin do ta udhëheqë zëvendëskryeministri i parë dhe ministri i Jashtëm Glauk Konjufca. Në të do të përfshihen përfaqësues institucionalë dhe parlamentarë.
Kryeministri Albin Kurti tha se synimi është korrigjimi në apel i aktgjykimit të shkallës së parë. «Aktgjykimin e shkallës së parë kundër ish-udhëheqësve të Ushtrisë Çlirimtare të Kosovës e konsiderojmë juridikisht dhe moralisht të padrejtë, si dhe faktikisht e historikisht të pasaktë; prandaj po punojmë që ai të korrigjohet në apel», tha Kurti.
“Aktgjykimin e shkallës së parë kundër ish-udhëheqësve të Ushtrisë Çlirimtare të Kosovës e konsiderojmë juridikisht dhe moralisht të padrejtë, si dhe faktikisht e historikisht të pasaktë; prandaj po punojmë që ai të korrigjohet në apel.”
Më 16 shtator, Dhomat e Specializuara shpallën fajtorë ish-presidentin Hashim Thaçi, ish-kryetarët e Kuvendit Kadri Veseli dhe Jakup Krasniqi, si dhe ish-deputetin Rexhep Selimi për ndalim arbitrar, trajtim mizor, torturë dhe vrasje gjatë periudhës prill 1998–20 qershor 1999.
Thaçi dhe Krasniqi u dënuan me nga 25 vjet burgim, Veseli me 18 vjet dhe Selimi me 13 vjet. Ekipet mbrojtëse kanë njoftuar se po përgatitin kundërshtim ligjor ndaj vendimit.
