Pesë burra, shtetas të Kosovës, u arrestuan më 7 nëntor në Prishtinë nën dyshimin për trafikim me narkotikë, njoftoi Policia e Kosovës.
Gjatë kontrolleve në dy vetura dhe një banesë që të dyshuarit e kishin në shfrytëzim, policia sekuestroi 52,93 gramë substancë që dyshohet të jetë kokainë dhe 517,5 gramë substancë që dyshohet të jetë marihuanë. U gjetën edhe një peshore, dy paketime me foli, 440 euro që dyshohet se vinin nga shitja e narkotikëve dhe tre telefona.
Pas intervistimit dhe me vendim të prokurorit, katër të dyshuar u dërguan në mbajtje, ndërsa një u lirua në procedurë të rregullt. Policia nuk ka konfirmuar në njoftim nëse substancat janë narkotikë; hetimet për llojin e tyre vijojnë.
