Sistemet e ngrohjes nuk janë funksionalizuar në disa shkolla e çerdhe të Prishtinës, ndërsa nxënësit e “Faik Konicës” vijuan mësimin në ambiente të ftohta më 2 nëntor.
Në “Faik Konica”, temperaturat atë ditë ishin nën 10 gradë Celsius. Shkolla zhvillon mësim tërëditor për nxënësit e klasave 1–5. Punimet për ngrohjen janë pjesë e një projekti të efiçiencës së energjisë, të mbështetur nga Banka Evropiane për Rindërtim dhe Zhvillim.
Komuna e Prishtinës ia atribuon vonesat bllokimit të mjeteve nga Ministria e Financave dhe ndërprerjes së punimeve nga operatori ekonomik. Drejtori i Arsimit në Komunën e Prishtinës, Arianit Elshani, tha se këta faktorë kanë lënë jofunksionale sistemet në disa shkolla e çerdhe. «Betejat politike, mosmarrëveshjet financiare dhe procedurat administrative nuk mund të jenë më të rëndësishme se mbarëvajtja e procesit mësimor, shëndeti dhe mirëqenia e fëmijëve tanë», tha Elshani.
“Betejat politike, mosmarrëveshjet financiare dhe procedurat administrative nuk mund të jenë më të rëndësishme se mbarëvajtja e procesit mësimor, shëndeti dhe mirëqenia e fëmijëve tanë.”
Pretendimi për bllokimin e mjeteve nuk është konfirmuar nga Ministria e Financave. As Ministria dhe as operatori nuk kanë konfirmuar arsyet e vonesave dhe ndërprerjes së punimeve.
