Agjencia e Ushqimit dhe Veterinarisë (AUV) ndaloi aktivitetin e 11 fabrikave ose linjave të prodhimit të qumështit dhe tërhoqi nga tregu 16.457,81 kilogramë produkte, gjatë kontrolleve nga maji deri në shtator 2026.
Sipas AUV-së, u inspektuan 30 subjekte dhe u identifikuan 56 produkte me përmbajtje të vajit të palmës. Ndalimi i aktivitetit lidhej me përpunimin ose paketimin e produkteve me vaj palme pa autorizimet përkatëse.
AUV-ja njoftoi se ka nisur një program të përhershëm monitorimi të sektorit të qumështit, me kontrolle dhe analiza laboratorike mujore për produkte vendore dhe të importuara.
