Kryetari i Bashkisë së Tiranës, Erion Veliaj, pretendon se kryeministri Edi Rama i kërkoi, përmes ministrit Toni Gogu, të hiqte dorë nga detyra dhe t’ia delegonte bashkinë Arbër Hajdarit.
Në një letër të publikuar në Facebook, Veliaj shkruan se u takua me Gogun të premten në orën 22:30, pas 20 muajsh. Data e takimit nuk bëhet e ditur.
Sipas shënimeve të Veliajt, kërkesat e tjera kishin të bënin me pranimin e përfshirjes në protestat studentore dhe ndërprerjen e këshillimit me Plarent Ndrecën. «Hiq dorë nga bashkia TR dhe delegoje (te Arbër Hajdari)», shkruan ai në letër.
“Hiq dorë nga bashkia TR dhe delegoje (te Arbër Hajdari).”
Veliaj pretendon se, nëse nuk pranonte përfshirjen në protesta, mund t’i shtoheshin akuza për «prishje të rendit kushtetues» dhe mund të dënohej me 100 vjet burg. Ai mohoi se i kishte organizuar ose financuar protestat dhe sfidoi Ramën të paraqiste prova.
Nuk është konfirmuar në mënyrë të pavarur se Rama ia ka përcjellë këto kërkesa Veliajt përmes Gogut. Ministri ka mohuar ushtrimin e presionit, duke thënë se vizita kishte për qëllim të interesohej për gjendjen e Veliajt.
