Dy të dyshuar kosovarë u liruan në procedurë të rregullt pas intervistimit, pasi Policia sekuestroi armë dhe municion nga veturat e tyre në dy raste të ndara në Deçan.
Në rastin e parë, njësia patrulluese ndaloi një veturë të drejtuar nga një i dyshuar dhe sekuestroi një pistoletë me leje të skaduar, si dhe 13 fishekë. I dyshuari u dërgua në stacion dhe u intervistua.
Rasti tjetër përfshinte një veturë të drejtuar nga një i dyshuar tjetër kosovar. Policia sekuestroi një armë gjuetie dhe 13 fishekë, ndërsa të dyshuarin e dërgoi në stacion për intervistim.
Sipas Policisë, të dy personat u liruan me urdhër të prokurorit, në procedurë të rregullt.
