Tenderi 400 mijë eurosh për furnizim dhe montim të gomave dimërore për automjetet e Policisë u anulua për shkak të një dispozite të Ligjit për Prokurimin Publik. Në thirrjen e prokurimit, ai ishte emërtuar «Ekstrem emergjent».
Anulimi ndodhi rreth dy javë para 15 nëntorit, kur gomat dimërore bëhen të detyrueshme. Mosvendosja e tyre pas kësaj date dënohet me 40 euro për qytetarët dhe 60 euro për personat juridikë.
Reshat Maliqi, ish-drejtor i Policisë së Kosovës, tha se mungesa e gomave mund ta vështirësojë punën e zyrtarëve dhe të rrezikojë jetën e tyre. «Nëse ata nuk kanë pajisje, goma dimërore më siguri edhe jeta e tyre është në rrezik», tha Maliqi.
“Nëse ata nuk kanë pajisje, goma dimërore më siguri edhe jeta e tyre është në rrezik”
Eksperti i komunikacionit Dedaj tha se mungesa e gomave dimërore paraqet rrezik për automjetet zyrtare. Policia nuk e ka konfirmuar nëse automjetet e saj aktualisht janë pa goma dimërore ose sa prej tyre preken.
