Plani për rregullimin e hapësirës në Ulpianë është vetëm propozim dhe nuk do të vazhdojë pa mbështetjen e banorëve, tha të hënën kryetari i Prishtinës Përparim Rama.
Sipas propozimit, parkimi do të vendosej nën tokë, ndërsa vendet ku tani parkohen veturat do të shndërroheshin në hapësira të gjelbra dhe fusha sportive. Fontana dhe hapësira përreth saj nuk do të preken.
Një objekt akomodues do të ndërtohej vetëm nëse nevojitet për Lojërat Mesdhetare Prishtina 2030, tha Rama. Sipas tij, konviktet nuk kanë kapacitet për të gjithë sportistët dhe stafin përcjellës; objekti nuk do të kishte destinim komercial dhe pas lojërave do t’u shërbente banorëve.
“Fontana dhe hapësira përreth saj nuk do të preken!”
«Ky plan është në shërbim të qytetarëve dhe për të vendosim bashkë me ju», tha Rama. Nëse banorët e mbështesin, propozimi do t’i dërgohet për votim Kuvendit Komunal të Prishtinës.
