Një person i maskuar mori para nga një grua dhe iku pasi e kërcënoi me armë në rrugën “Agron Rrahmani” më 3 nëntor.
Sipas raportit 24-orësh të Policisë, rasti ndodhi në orën 12:46 në Prishtinë. Personi u largua në drejtim të panjohur.
Policia nuk e ka bërë të ditur shumën e parave. Raporti policor nuk e identifikon vendin si degë të BPB-së.
“Është raportuar se një person i maskuar nën kërcënimin e armës ka grabitur një shumë të parave nga viktima femër kosovare dhe më pas është larguar në drejtim të panjohur.”
Për rastin kanë nisur hetimet.
