Gëzim Sveçla dhe deputeti i LVV-së Ilir Kërçeli thanë të martën se dorëzuan në Prokurorinë Speciale materiale dhe një denoncim për dy kontrata të ndriçimit publik në Prishtinë.
Sipas Sveçlës, kontratat u nënshkruan në korrik 2024 dhe prill 2025. Ai tha se dallimet e çmimeve për pozicione dhe punë të njëjta i shtynë përfaqësuesit e partisë ta kërkojnë shqyrtimin e çështjes.
«Ndryshimi për pozicione të njëjta, për punën e njëjtë, është aq i madh saqë na ka bërë që këtë kontratë ta hetojmë më në thellësi», tha Sveçla. Ai kërkoi që Prokuroria ta zbardhë çështjen dhe tha se përgjegjësit duhet të japin llogari nëse pretendimet vërtetohen.
“Nëse vërtetohen ato pretendime që ne i kemi ngritur atëherë personat përgjegjës duhet të japin përgjegjësi”
LVV-ja pretendon se kontratat mund të kenë shkaktuar dëm në buxhetin e Komunës së Prishtinës. Prokuroria Speciale nuk ka konfirmuar nëse i ka pranuar materialet ose nëse ka nisur hetim.
