Kryeministri Albin Kurti kërkoi të mërkurën që tryeza për shëndetin mendor të fëmijëve dhe të rinjve të përcaktojë masa prioritare për veprim. Takimi u organizua nga Zyra e Kryeministrit në partneritet me UNICEF-in.
«Takimi i sotëm duhet të na çojë nga evidenca te veprimi», tha Kurti. Ai u kërkoi pjesëmarrësve të shqyrtojnë gjetjet e raportit dhe të përcaktojnë hapat për avancimin e agjendës së shëndetit mendor.
Kurti tha se kjo çështje nuk mund të jetë përgjegjësi vetëm e një sektori apo institucioni, por kërkon bashkëpunim ndërmjet sektorëve. Raporti i diskutuar, për shërbimet e shëndetit mendor dhe mbështetjen psikosociale për fëmijët e të rinjtë, u realizua nga UNICEF-i dhe Instituti i Psikologjisë i Universitetit të Prishtinës.
“Takimi i sotëm duhet të na çojë nga evidenca te veprimi.”
