Një përfitues i ndihmës sociale në qytetin austriak të Welsit e humbi përfitimin pasi komuna zbuloi se nuk kishte deklaruar shtëpinë dhe pensionin në Kosovë.
Komuna njoftoi se zyrtarët nuk e kishin gjetur personin disa herë në banesën e deklaruar në Austri. Pas kontrolleve, ndihma iu ndërpre dhe rasti iu denoncua institucioneve përkatëse.
Atij iu kërkua të kthente afro 9 mijë euro, shumë që, sipas komunës, e shlyeu me këste. Nuk bëhet e ditur nëse denoncimi çoi në procedurë ose vendim tjetër.
“Pas disa vizitave në banesë, gjatë të cilave personi nuk u gjet, u konstatua se ai zotëronte një shtëpi në Kosovë dhe merrte atje edhe pension, pa i deklaruar këto pranë autoriteteve. Ndihma sociale iu ndërpre dhe personi u denoncua. Shuma prej afro 9 mijë eurosh, e kërkuar për kthim, u shlye me këste”
Deri në shtator 2026, komuna kishte kryer 97 vizita kontrolluese në banesat e përfituesve, rastësisht ose pas informatave të pranuara. Në një rast tjetër, një përfitues që qëndronte për javë të tëra në Turqi iu rillogarit ndihma dhe u denoncua.
Kryetari i Welsit, Andreas Rabl, tha se ndihma sociale duhet t’u shkojë personave që kanë vërtet nevojë dhe se kontrollet do të vazhdojnë.
