Konsullata e Përgjithshme e Kosovës në Cyrih priti sipërmarrësen Fatlume (Sutaj) Sadiku dhe diskutoi me të zhvillimet në inteligjencën artificiale dhe transformimin digjital të sektorit të shëndetësisë. Konsullata bëri të ditur për pritjen, sipas njoftimit të saj.
Sadiku, sipërmarrëse shqiptare në Zvicër me prejardhje nga Peja, ka studiuar shkenca kompjuterike në Universitetin e Passaut. Ajo ka punuar në Klinikën Universitare të Frankfurtit dhe në Qendrën Gjermane për Hulumtime të Kancerit në Heidelberg.
Që nga viti 2023, Sadiku drejton Mirditech GmbH në Thalwil të kantonit të Cyrihut. Ajo ka kontribuar në projektin Swiss Personalized Health Network, që synon integrimin dhe shkëmbimin e të dhënave klinike.
Kontributi i saj në këtë fushë përfshin edhe standardizimin e të dhënave klinike. Sadiku ka marrë pjesë gjithashtu në kërkime për biomarkerë të sepsës dhe kancerit.
