Raporti financiar i KPMM-së për vitin 2025 mbeti pa votim të mërkurën, pasi Komisioni për Buxhet dhe Financa kërkoi sqarime shtesë nga bordi.
Kryetari i Bordit të KPMM-së, Habib Basholli, tha se buxheti përfundimtar i institucionit ishte 1,5 milion euro dhe shpenzimet arritën në 1,39 milion euro. «KPMM ka shpenzuar 1 milion e 390 mijë euro», tha Basholli. Buxheti për paga dhe mëditje u realizua 100%, ndërsa për projekte kapitale u shpenzuan 134 mijë euro.
Gjatë shqyrtimit u ngritën çështje për gjetjet e auditorit, shpenzimet për konsulencë, borxhin e Ferronikelit, licencimin e gurthyesve, rënien e të hyrave dhe importin e zhavorrit nga Serbia.
“KPMM ka shpenzuar 1 milion e 390 mijë euro.”
Deputeti i LVV-së Ilir Kërçeli kërkoi sqarime për rekomandimet e Zyrës Kombëtare të Auditimit lidhur me regjistrimin e pasurive dhe përditësimin e rregulloreve të brendshme. «Desha me pyet nëse janë trajtuar këto gjetje», tha ai.
